Sustainability Leadership Kosova, të përkrahur nga Zyra e Presidencës ka organizuar punëtoritë ECOVILLE, me karakter edukues dhe argëtues ku shtjelluam temat e ngrohjës globale, ndryshimeve klimatike dhe ndikimit të njeriut në mjedis. Punëtoria e parë u mbajt më 21 nëntor, në SHFMU "Mihal Grameno" në Fushë Kosovë, ndërsa punëtoria e dytë u mbajt më 24 nëntor, në SHFMU “Zenel Hajdini” dhe “Asim Vokshi” në Prishtinë. Në këto punëtori morren pjesë gjithsej 60 nxënës të moshave 11-13 vjeç. Këto punëtori u ndanë në disa sesione të cilat ishin kombinim i ligjeratave edukuese, bashkëbisedimeve me nxënësit, shfaqjes së animacioneve të shkurtra, artit dhe lojrave. Nxënësit u ndanë në katër grupe, secili i udhëhequr nga një mentor, kurse sesioni u udhëheq nga Indira Kartallozi, ekspertja ndërkombëtare e qëndrueshmërisë. Në grupet e tyre respektive ata shprehën kreativitetin e tyre gjatë punës në grup, duke reflektuar mbi rolin e tyre të përbashkët në mbrojtjen e natyrës dhe përmirësimin e së ardhmes së planetit përmes lojërave dhe vizatimeve. Pjesa tjetër e punëtorisë u mbajt në ambiente të hapura përmes mentorimit të Faruk Foniqit, Specialistit të Sistemit Informativ të Gjeografisë (GIS). Ky sesion synoi analizën e natyrës lokale përmes dronit. Website: https://www.slkosova.org/ Facebook: https://www.facebook.com/SLKosova Instagram: @slk_kosova & @MoseMerrMalin